Գրավում է ուշադրությունը։ Հեշտացնում է ընտրությունը։
Միջերեսներ, դիզայն համակարգեր, լոգոներ և բրենդային ոճ՝ Ձեր բիզնեսը ճանաչելի դարձնելու և հաճախորդի ճանապարհը պարզեցնելու համար։
Լուծումներ՝ Ձեր բիզնեսի համար
Լավ դիզայնը գեղեցիկ տեսքից ավելին է։ Հաճախորդը հեշտ է գտնում անհրաժեշտը, թիմը՝ կառավարում համակարգը, իսկ բրենդը ճանաչելի է մնում տարբեր հարթակներում։ Դիզայներն ու ծրագրավորողը աշխատում են միասին՝ հաշվի առնելով էկրանների չափերը, լեզուներն ու իրական օգտագործումը։
Ինչ ենք նախագծում
Կայքերի և խանութների միջերեսներ
Էջերի կառուցվածք, ապրանքների քարտեր և պատվերի ձևակերպում՝ հաճախորդին տեղեկությունից դեպի որոշում ուղեկցելու համար։
Հավելվածների օգտագործման փորձ · UX
Վեբ և բջջային հավելվածների էկրաններ, գործողությունների հաջորդականություններ ու վիճակներ։ Օգտագործման հիմնական սցենարները ստուգում ենք մինչև ծրագրավորումը։
Դիզայն համակարգեր
Գույներ, տառատեսակներ և բաղադրիչներ՝ միասնական կանոններով։ Նոր էջերն ու գործառույթները զարգացնում եք նույն ոճով՝ առանց ամեն ինչ նորից նախագծելու։
Լոգո և բրենդային ոճ
Ճանաչելի նշան, գունային համակարգ և տառատեսակներ՝ հարմարեցված թվային ու տպագիր կիրառություններին։
Գովազդային դիզայն
Բաներներ, սոցիալական ցանցերի նյութեր և գովազդային էջեր՝ բրենդին համապատասխան և հաղորդագրությունը հստակ փոխանցող։
Վերադիզայն
Պահպանում ենք այն, ինչ արդեն աշխատում է, և բարելավում այն հատվածները, որոնք դժվարացնում են հաճախորդի ճանապարհը։
Չորս փուլ։ Մեկ թիմ։ Հստակ պայմաններ։
Յուրաքանչյուր փուլում գիտեք՝ ինչ ենք անում, ինչ է հաջորդելու և ով է պատասխանատուն։
- 01
Քննարկում և առաջարկ
Մեկ աշխատանքային օրվա ընթացքում կապ ենք հաստատում, քննարկում Ձեր նպատակներն ու պահանջները։ Դրանց հիման վրա պատրաստում ենք առաջարկ՝ հստակ ծավալով, ժամկետներով և արժեքով։
- 02
Դիզայն
Մշակում ենք կառուցվածքն ու միջերեսները և համաձայնեցնում Ձեզ հետ՝ նախքան ծրագրավորման փուլին անցնելը։
- 03
Մշակում և ինտեգրում
Իրականացնում ենք ծրագրավորումը, անհրաժեշտ ինտեգրացիաներն ու բովանդակության տեղադրումը։ Տրամադրում ենք փորձնական տարբերակ, որպեսզի հետևեք ընթացքին և գնահատեք արդյունքը։
- 04
Գործարկում և աջակցություն
Ստուգում և գործարկում ենք նախագիծը, սովորեցնում Ձեր թիմին օգտվել համակարգից և համաձայնեցնում հետագա սպասարկումը։
Ինչ ենք ամրագրում առաջարկում
Յուրաքանչյուր առաջարկում հստակ նշում ենք ներառված աշխատանքներն ու արդյունքները։ Ստորև մեր մոտեցման հիմնական բաղադրիչներն են․ դրանց ծավալը համաձայնեցնում ենք ըստ Ձեր նախագծի։
- Նպատակների քննարկում և տեսողական օրինակների ընտրություն
- Կառուցվածքային նախատիպեր՝ մինչև գույներն ու մանրամասները
- Համաձայնեցված էկրանների համակարգչային, պլանշետային և բջջային տարբերակներ
- Խմբագրվող Figma ֆայլերի փոխանցում
- Բաղադրիչներ և կանոններ՝ ծրագրավորողների համար
- Փոփոխությունների փուլեր՝ առաջարկում նշված ծավալով
Դիզայն, որը պատրաստ է իրականացման։
Առաջին կառուցվածքային նախատիպից մինչև բաղադրիչների գրադարան՝ ծրագրավորման համար հասկանալի հիմքով։
- Միջերեսների դիզայնFigmaSketchAdobe XD
- Նախատիպեր և ստուգումFigma prototypesFramerMaze
- Բրենդ և գրաֆիկաAdobe IllustratorPhotoshopAfter EffectsSVG / print-ready PDF
- Փոխանցում ծրագրավորողներինDesign tokensComponent librariesTailwind CSSStorybook
Մեր աշխատանքներից
Առցանց խանութներ, ամրագրման հարթակներ և բիզնես համակարգեր, որոնք ստեղծել և շարունակում ենք սպասարկել՝ Հայաստանում ու այլ երկրներում։
Պատասխաններ՝ կարևոր հարցերին
Դիզայնից բացի նաև ծրագրավորո՞ւմ եք
Այո։ Նույն թիմը նախագծում և իրականացնում է լուծումը, որպեսզի դիզայնի որոշումներն ու տեխնիկական հնարավորությունները համաձայնեցված լինեն հենց սկզբից։
Կարո՞ղ եք աշխատել մեր առկա բրենդային ոճով
Իհարկե։ Ուսումնասիրում ենք Ձեր առկա ոճը և զարգացնում այն անհրաժեշտ հարթակների համար։ Ավելի լայն փոփոխություն առաջարկում ենք, երբ գտնում ենք դրա հիմնավորված անհրաժեշտությունը։
Ի՞նչ ֆայլեր և նյութեր եմ ստանում
Խմբագրվող Figma ֆայլեր, անհրաժեշտ արտահանված նյութեր և դիզայնի կիրառման ուղեցույց։ Եթե նաև ծրագրավորում ենք, փոխանցում ենք համաձայնեցված պատրաստ լուծումը։
Քանի՞ փոփոխության փուլ է ներառված
Յուրաքանչյուր փուլում ներառվում է երկու փոփոխության շրջան։ Դրանց շրջանակն ամրագրում ենք առաջարկում, իսկ կառուցվածքը հաստատում ենք մինչև վերջնական դիզայնը։
Առաջին տպավորությունը դարձրենք Ձեր առավելությունը։
Ուղարկեք կայքը կամ Ձեր գաղափարը․ մեկ աշխատանքային օրվա ընթացքում կապ կհաստատենք՝ հաջորդ քայլը քննարկելու համար։
