Գաղտնիության քաղաքականություն
Վերջին թարմացումը՝ 10 հոկտեմբերի 2026 թ.
1. Ընդհանուր դրույթներ
Սույն Գաղտնիության քաղաքականությունը նկարագրում է, թե ինչպես է «ԷՅՋԿԱ ԴԻՋԻՏԱԼ ԷՋԵՆՍԻ» ՍՊԸ-ն՝ HK Digital Agency-ն (այսուհետ՝ «Ընկերություն», «մենք»), հավաքում, օգտագործում, պահպանում և պաշտպանում անձնական տվյալները։
Քաղաքականությունը վերաբերում է hkdigital.am և plugins.hkdigital.am կայքերին, ինչպես նաև մեր ծառայություններից և ծրագրային արտադրանքներից օգտվելու ընթացքում մեզ տրամադրվող տվյալներին։
2. Ինչ տվյալներ ենք մշակում
Կախված Ձեր դիմումից կամ օգտագործվող ծառայությունից՝ կարող ենք մշակել՝
- անունը, ազգանունը, էլեկտրոնային փոստի հասցեն և հեռախոսահամարը,
- ընկերության անվանումը, պաշտոնը և պայմանագրի կամ հաշվարկների համար անհրաժեշտ տվյալները,
- հարցումների, նամակագրության, ուղարկված ֆայլերի և տեխնիկական աջակցության դիմումների բովանդակությունը,
- պատվերի, ընտրված ծառայության կամ փլագինի և վճարման կարգավիճակի վերաբերյալ տեղեկությունները,
- IP հասցեն, դիտարկիչի և սարքի տեսակը, այցելության ժամանակը և անվտանգության կամ սխալների տեխնիկական գրանցումները։
Տեղադրման կամ տեխնիկական աջակցության ընթացքում կարող են մշակվել նաև կայքի հասցեն, ծրագրային տարբերակները, սխալների մատյանները և Ձեր կողմից տրամադրված հասանելիության տվյալները՝ միայն համապատասխան աշխատանքն իրականացնելու համար անհրաժեշտ սահմաններում։
3. Ինչ նպատակով ենք օգտագործում տվյալները
Տվյալներն օգտագործում ենք՝
- հարցումներին պատասխանելու և առաջարկներ պատրաստելու,
- պայմանագրեր կնքելու և ծառայություններ մատուցելու,
- պատվերները, վճարումները և հաշվապահական փաստաթղթերը վարելու,
- փլագինների տեղադրումը, թարմացումը և տեխնիկական աջակցությունն ապահովելու,
- կայքերի անվտանգությունն ապահովելու և տեխնիկական խնդիրները լուծելու,
- օրենքով նախատեսված պարտավորությունները կատարելու։
Գովազդային հաղորդագրությունների համար տվյալներն օգտագործում ենք համապատասխան համաձայնության առկայության դեպքում։ Նման հաղորդագրություններից կարող եք հրաժարվել ցանկացած ժամանակ՝ օգտվելով հաղորդագրության մեջ նշված եղանակից կամ գրելով մեզ։
4. Տվյալների մշակման հիմքերը
Անձնական տվյալները մշակում ենք Ձեր համաձայնության, Ձեզ հետ կնքված պայմանագրի և դրանով նախատեսված գործողությունների, ինչպես նաև օրենքով ուղղակիորեն նախատեսված հիմքերի շրջանակում։
Կայք այցելելն ինքնին չի համարվում համաձայնություն տվյալների մշակման բոլոր հնարավոր նպատակների համար։
5. Cookies և նման տեխնոլոգիաներ
Մեր կայքերը կարող են օգտագործել cookies՝ կայքի բնականոն աշխատանքը և օգտատիրոջ կարգավորումները պահպանելու համար։
Եթե օգտագործվում են վերլուծական կամ գովազդային cookies, դրանց նպատակների և կիրառվող ծառայությունների մասին տեղեկությունը տրամադրվում է համապատասխան համաձայնության պատուհանում կամ cookies-ի կարգավորումներում։ Երբ պահանջվում է համաձայնություն, նման cookies-ն ակտիվացվում են այն ստանալուց հետո։
Cookies-ը կարող եք կառավարել նաև Ձեր դիտարկիչի կարգավորումներով։ Որոշ cookies-ի անջատումը կարող է ազդել կայքի առանձին գործառույթների վրա։
6. Ում կարող են փոխանցվել տվյալները
Անհրաժեշտության դեպքում տվյալները կարող են հասանելի դառնալ մեր լիազորված աշխատակիցներին և ծառայություն մատուցող գործընկերներին՝ ներառյալ հոսթինգի, հաղորդակցության, տեխնիկական աջակցության և վճարային ծառայությունների մատակարարները։
Փոխանցվում են միայն համապատասխան նպատակին անհրաժեշտ տվյալները՝ կիրառելի գաղտնիության և անվտանգության պահանջների պահպանմամբ։ Տվյալներ կարող են տրամադրվել նաև իրավասու մարմիններին՝ օրենքով նախատեսված դեպքերում։
Եթե տվյալները փոխանցվում կամ պահպանվում են Հայաստանից դուրս, կիրառվում են տվյալների պաշտպանության օրենսդրությամբ պահանջվող պայմաններն ու երաշխիքները։
7. Վճարումներ և հաճախորդների կայքեր
Բանկի կամ վճարային ծառայության էջում մուտքագրվող վճարային տվյալների մշակումը կարգավորվում է նաև տվյալ մատակարարի գաղտնիության քաղաքականությամբ։ Տեխնիկական աջակցության նպատակով մի ուղարկեք քարտի ամբողջական համարը, CVV/CVC կոդը կամ մեկանգամյա հաստատման կոդերը։
Հաճախորդների կայքերում և համակարգերում աշխատանք կատարելիս այնտեղ առկա անձնական տվյալները մշակում ենք հաճախորդի հանձնարարությամբ և համաձայնեցված աշխատանքի շրջանակում։
Մեր վճարային փլագինի օգտագործումը ինքնին չի նշանակում, որ հաճախորդի կայքի բոլոր պատվերներն ու օգտատերերի տվյալները փոխանցվում են HK Digital Agency-ին։ Փոխանցման փաստը և ծավալը կախված են տվյալ փլագինի գործառույթներից, կարգավորումներից և օգտագործվող ծառայություններից։
8. Պահպանում և անվտանգություն
Տվյալները պահպանում ենք այնքան ժամանակ, որքան անհրաժեշտ է դրանց հավաքման նպատակների, պայմանագրային պարտավորությունների և օրենքով սահմանված պահպանման պահանջների համար։
Կիրառում ենք համապատասխան տեխնիկական և կազմակերպական միջոցներ՝ տվյալներն անթույլատրելի հասանելիությունից, կորստից, փոփոխությունից կամ բացահայտումից պաշտպանելու համար։ Տվյալներին հասանելիությունը սահմանափակվում է աշխատանքային անհրաժեշտությամբ։
9. Ձեր իրավունքները
Կիրառելի օրենսդրությամբ նախատեսված դեպքերում կարող եք՝
- տեղեկանալ Ձեր տվյալների մշակման մասին և ստանալ դրանց հասանելիություն,
- պահանջել ոչ ճշգրիտ տվյալների ուղղում,
- պահանջել տվյալների ուղեփակում կամ ոչնչացում,
- հետ կանչել համաձայնությունը՝ սահմանված կարգով,
- բողոք ներկայացնել իրավասու մարմնին կամ դատարան։
Հարցման համար գրեք support@hkdigital.am հասցեին։ Անհրաժեշտության դեպքում կարող ենք խնդրել Ձեր ինքնությունը հաստատող՝ հարցման համար համաչափ տեղեկություն։ Որոշ տվյալներ կարող են պահպանվել, եթե դա պահանջվում է օրենքով։
10. Երրորդ կողմերի հղումներ և փոփոխություններ
Մեր կայքերը կարող են պարունակել այլ կայքերի և ծառայությունների հղումներ։ Այդ ծառայությունների տվյալների մշակումը կարգավորվում է իրենց գաղտնիության քաղաքականություններով։
Սույն քաղաքականությունը կարող է թարմացվել։ Գործող տարբերակը հրապարակվում է այս էջում՝ թարմացման ամսաթվով։ Եթե փոփոխությունը պահանջում է նոր համաձայնություն, այն ստացվում է առանձին։
11. Կապ մեզ հետ
«ԷՅՋԿԱ ԴԻՋԻՏԱԼ ԷՋԵՆՍԻ» ՍՊԸ — HK Digital Agency
ՀՎՀՀ՝ 03023481
Հասցե՝ ՀՀ, ք. Հրազդան, Երևանյան 10/24
Էլ. փոստ՝ support@hkdigital.am
Հեռախոս՝ +374 33 779 779, +374 60 777 999
