Կայքն աշխատում է։ Ձեր կողքին՝ այն ճանաչող թիմ։
Ամսական սպասարկում՝ թարմացումներ, պահուստային պատճեններ, մոնիթորինգ, անվտանգություն, արագություն և հոսթինգ։ Մեր ստեղծած կայքերի և այլ թիմերի նախագծերի համար։
Լուծումներ՝ Ձեր բիզնեսի համար
Կայքը գործարկելուց հետո աշխատանքը շարունակվում է։ Համակարգերը թարմացվում են, տվյալներն աճում են, առաջանում են նոր պահանջներ ու տեխնիկական հարցեր։ Հետևում ենք կայքի վիճակին, պլանավորում անհրաժեշտ աշխատանքները և խնդիրների դեպքում արձագանքում համաձայնեցված պայմաններով։ Ձեր կողքին է թիմ, որը ճանաչում է կայքը և դրա աշխատանքը։
Սպասարկման ուղղությունները
Թարմացումներ
Կայքի հարթակի, թեմայի և հավելումների թարմացումներ։ Համատեղելիությունը ստուգում ենք փորձնական միջավայրում՝ հիմնական կայքի խափանման ռիսկը նվազեցնելու համար։
Պահուստային պատճեններ և մոնիթորինգ
Ամենօրյա արտաքին պահուստավորում՝ համապատասխան փաթեթում, հասանելիության ու արագության վերահսկում և խափանումների ծանուցումներ։
Անվտանգություն
Պաշտպանության կարգավորումներ, վնասակար կոդի հեռացում, մուտքերի վերահսկում, բոտերի ֆիլտրում և SSL՝ կայքի պաշտպանության մի քանի շերտերի համար։
Արագություն
Քեշավորում, նկարների օպտիմալացում, տվյալների բազայի մաքրում և սերվերի կարգավորում։ Արդյունքը գնահատում ենք մինչև և հետո չափումներով։
Հոսթինգ և սերվերներ
Սերվերների կառավարում, տեղափոխում հոսթինգների միջև և ամպային միջավայրերի կարգավորում։ Հաշիվներն ու հասանելիությունները համաձայնեցնում ենք Ձեզ հետ։
Փոքր փոփոխություններ
Բովանդակության խմբագրում, նոր բաներներ և փոքր գործառույթներ՝ փաթեթում նախատեսված ամսական ծավալի շրջանակում։
Չորս փուլ։ Մեկ թիմ։ Հստակ պայմաններ։
Յուրաքանչյուր փուլում գիտեք՝ ինչ ենք անում, ինչ է հաջորդելու և ով է պատասխանատուն։
- 01
Քննարկում և առաջարկ
Մեկ աշխատանքային օրվա ընթացքում կապ ենք հաստատում, քննարկում Ձեր նպատակներն ու պահանջները։ Դրանց հիման վրա պատրաստում ենք առաջարկ՝ հստակ ծավալով, ժամկետներով և արժեքով։
- 02
Դիզայն
Մշակում ենք կառուցվածքն ու միջերեսները և համաձայնեցնում Ձեզ հետ՝ նախքան ծրագրավորման փուլին անցնելը։
- 03
Մշակում և ինտեգրում
Իրականացնում ենք ծրագրավորումը, անհրաժեշտ ինտեգրացիաներն ու բովանդակության տեղադրումը։ Տրամադրում ենք փորձնական տարբերակ, որպեսզի հետևեք ընթացքին և գնահատեք արդյունքը։
- 04
Գործարկում և աջակցություն
Ստուգում և գործարկում ենք նախագիծը, սովորեցնում Ձեր թիմին օգտվել համակարգից և համաձայնեցնում հետագա սպասարկումը։
Ինչ ենք ամրագրում առաջարկում
Յուրաքանչյուր առաջարկում հստակ նշում ենք ներառված աշխատանքներն ու արդյունքները։ Ստորև մեր մոտեցման հիմնական բաղադրիչներն են․ դրանց ծավալը համաձայնեցնում ենք ըստ Ձեր նախագծի։
- Կայքի սկզբնական տեխնիկական ուսումնասիրություն
- Փորձնական միջավայր՝ թարմացումներն ու փոփոխությունները ստուգելու համար
- Ամսական ամփոփում՝ կայքի վիճակի և կատարված աշխատանքների մասին
- Կոնտակտային մասնագետ և արձագանքի համաձայնեցված ժամկետներ
- Պահուստային պատճենից վերականգնում՝ անհրաժեշտության դեպքում
- Ամսական սպասարկում՝ հասանելիությունների հստակ պայմաններով
Կայքից մինչև սերվեր՝ մեկ թիմի ուշադրության ներքո։
Հարթակը, սերվերը և դրանց միջև բոլոր անհրաժեշտ բաղադրիչները դիտարկում ենք որպես մեկ համակարգ։
- ՀարթակներWordPressWooCommercePHP 8MySQL / MariaDBLaravel
- Սերվերներ և հոսթինգLinux / UbuntuApacheNginxDockerHetznerAWS
- Արագություն և անվտանգությունCloudflareRedisLet’s EncryptWAF & bot filteringOff-site backups
- Մոնիթորինգ և գործիքներUptime monitoringLog analysisWP-CLITelegram alerts
Մեր աշխատանքներից
Առցանց խանութներ, ամրագրման հարթակներ և բիզնես համակարգեր, որոնք ստեղծել և շարունակում ենք սպասարկել՝ Հայաստանում ու այլ երկրներում։
Պատասխաններ՝ կարևոր հարցերին
Կայքն այլ թիմ է ստեղծել։ Կարո՞ղ եք այն սպասարկել
Այո։ Նախ ուսումնասիրում ենք կայքը, գնահատում առաջնահերթ խնդիրներն ու սպասարկման հնարավորությունը։ Այնուհետև համաձայնեցնում ենք անհրաժեշտ աշխատանքները և շարունակական աջակցության պայմանները։
Ի՞նչ եք անում, եթե կայքը դադարի աշխատել
Ստուգում ենք խափանման պատճառը, անհրաժեշտության դեպքում վերականգնում պահուստային պատճենից կամ ուղղում խնդիրը։ Տրամադրում ենք ամփոփում՝ ինչ է տեղի ունեցել և ինչ քայլեր կարող են նվազեցնել կրկնվելու ռիսկը։
Հոսթինգով նույնպես զբաղվո՞ւմ եք
Կարող ենք կարգավորել և կառավարել Ձեր սերվերը կամ աշխատել գործող հոսթինգի հետ։ Հոսթինգի վճարներն ու կառավարման աշխատանքները հստակեցնում ենք առաջարկում։
Սպասարկումը պայմանագրո՞վ է
Ամսական սպասարկման ծավալը, արժեքը, արձագանքի ժամկետներն ու դադարեցման կարգը ամրագրում ենք պայմանագրում։ Կայքի հաշիվների և հասանելիությունների պայմաններն էլ հստակ են հենց սկզբից։
Ուղարկեք կայքը։ Տեխնիկական հարցերը քննարկենք մենք։
Մեկ աշխատանքային օրվա ընթացքում կապ կհաստատենք՝ կայքի ուսումնասիրությունն ու համապատասխան սպասարկումը քննարկելու համար։
